चिया, चुरोट अनि तिमी

 

कलेज छेउकै एउटा चिया पसलमा हामी सधैजसो चिया पिउन जान्थ्यौ । साइली दिदिको हातको चिया असाध्यै मिठो, अझ चियालाई साथी चुरोट भएसी के चाहियो र अरु। मङ्सीर ११ गते, सधैजसो कलेज सकिएपछि सुगमसँग चिया पसल छिरियो । थाहा छैन किन त्यो दिन घाम झुल्किन मानेकी थिइनन्।बादलको बीचमा लुकेर बसेकी थिइन । चिसो बतासले मुटु नै सिरिङ्ग परिको थियो । शरीर न्यानो बनाउन भएपनि चिया खाने तलतल लाग्यो । 

सुगमले दुईकप चिया अनि सूर्य चुरोट मगायो । मुसुक्क मुस्कुराउँदै साइली दिदीले चिया अनि चुरोट दिनुभयो । सलाइ कोरे, चुरोट सल्काए, एक सर्को चुरोट ताने, खल्लो लाग्यो अनि एक चुस्की चिया पिए, चुरोटलाई साथ दिन । मोबाइल स्क्रोल गर्दै थिए अचानक आँखा गयो कृतिकाको तस्विरमा, फोटो त परै जाओस्, उनको त्यो नाम सम्झने बित्तिकै मन झसङ्ग हुन्छ। कालो घुम्रेको लामो केश, दुबै तिर खाल्टो पर्ने स्याउजस्ता गाला अनि पल्याकपुलुक गर्दै यताउता हेर्न ती ठूलाठूला आँखा । पहिलोपल्ट देख्दा नै मेरो नयनले उनको फोटो मन मस्तिकमा सचेर राखेको थियो । बिस्तारै सुगम अनि मसँग उनको मित्रता गसियो । साइली दिदीको चियापसल हाम्रो अड्डा नै थियो । चिया अनि चुरोट पिउदा पिउदै कहिले उनीलाई मनमा सजाउन पुगेछु पत्तै भएन । भन्न मन नभएको त होइन तर हिम्मत भएन । 

लामो सास फेर्दै फेरि अर्को सर्को चुरोट ताने | थाहाछैन कहाँ छेउ अहिले, साइली दिदीको चिया पिउदा तिम्रो कमि निकै खस्किन्छ । अझ तिमीलाई आफ्नो भावनाहरू व्यक्त गर्ने मौका गुमाएको सम्झिदा मन कटक्क हुन्छ । सुगम आज छिटै घर फर्कियो तर म भने आर्को एक कप चिया अनि चुरोटा मगाएर त्यही अतीतका पाना पल्टाएर बसे । सायद गल्ति मेरै थियो । अरुबेला त सँगै घर फर्किनगथ्यौँ । थाहाछैन किन त्यो दिन तिमीलाई रोक्न सकिन । यदि मेरो साथ भएको भए आज त्यस दिन तिमी मसँगै चिया पिउदै हुन्थ्यौँ। तिम्रो एकदम याद आउँछ कृतिका, तिम्रो बोली सुन्नपाए पनि एकदमै आनन्द हुन्थ्यो तर अब फर्कन्नौ मेरो जीवनमा भनेर आफूले आफूलाई सम्हाल्ने कोशिश गर्दैछुु।

 अझै पनि कोहि केटी खैरो स्कुटरमा आउँदा तिम्रो आभास हुन्छ मलाई । कतै एक्सिडेन्टको खबर सुन्दा रगतले तलपतिएको' तिम्रो मुहारको झल्झली याद आउँछ, थाम्न नसकिने गरि आँखाको सागर बग्न थाल्छ । तिमीसँग बिताएका पलहरू अविस्मरणीय छ। तिमीलाई अब भेट्छु कि भेटदिन त्यो त थाहा छैन तर भगवानसँग सधैँ मेरो मृत्यु पछि तिमीसँग भेट गराउन अनुरोध गरिएको छु ।